اوعى تسمعى كلامهم

السلام عليكم ورحمة الله تعالى وبركاتة

صباحكم / مساكم فل وياسمين ورضا من رب العالمين
وحشني جداً حبايب قلبي الزهرات
أنا جايلكم بموضوع حصرررري النهاردة وهيفيدك أوووي
خليكي معايا

البنات اللي ف ثانوية ؟؟
على طول الناس بتقولنا الكلام ده :
اوعي تذاكري في اولى وثانية وخدي راحتك .. اوعي تعقدي نفسك من اولها .... عيشي حياتك يا بنتي عشان تفضي لـ 3 ثانوي !!!

دا كلاااامهم ههههه
انا بقى بقولك ... اوعي تسمعي كلامهم ده
والله مش ببخل عليكي بحاجة وعشان انتو زي اخواتي وبحبكم وبخاف عليكم .. النصيحة دي لوجه الله ولو مش عايزة تعملي بيها ده قرار وانتي حرة بس اديكي بقيتي عارفة الصح من الغلط وفي ايديكي تحددي مصيرك

هأقولك ليه ما تسمعيش كلامهم :
اولا ماحدش بيحب لحد انه يكون احسن منه ، مهما كان بيحبه ! ، حتي لو اتمنى كده فعلا من شده حبه ، لو بقى احسن منه بالفعل في يوم من الايام مش هيبقى فرحان من قلبه بجد !
ثانيا يا بطة انتي لو ما ذاكرتيش في اولى وتانية هتذاكري ف 3 ازاااي ؟؟؟؟؟؟
انتي اتعودتي ع اللعب والدلع في اولى وتانية يبقى استحاله هتذاكري كويس في 3 .. ماقولتش مش هتذاكري لأ هتذاكري بس مذاكرتك مش هتكون كويسة .. لأن 3 فيها حاجات متعلقه بالسنتين اللي فاتوا لازم تكوني فهماهم كويس ومذكراهم دي حاجة ، غير كدااا والأخطر يعني ان انتي لو ذاكرتي في اولى 4 ساعات في اليوم هتيجي ف 2 والـ 4 ساعات جول هتحسيهم شوية ، فهتذاكري 5 ساعات مثلا .. مش متواصل طبعا لكن اقصد اللي تقدري تذاكريه في اليوم .. طب لما تيجي 3 وانتي متعوده تذاكري ؟
يبقى تقدري تذاكري من 3 لـ 6 ساعات مش كده ؟
ومش هتحسي بتعب ولا مشقةة ولا حمل تقيل ولا اي حاجة من دول

وبعدين {التعود} حاجه مهمة جدااااا في الحياه
لو عديتي ف 1 و 2 بالغش وما اتعودتيش تعتمدي على نفسك هتضيعي في السنة اللي فيها تحديد مستقبلك !
لو ف 1 خدتي واديتي كتير اوي .. هتقللي في الترم التاني .. وهتبطلي في سنة 2 مع ان فيه حاجات واقفة معاكي ! ماتخديهاش واعتمدي على نفسك ، لأنك هتفهمي وتتعودي على اللي بيحصل لحد ما ف 3 تلاقي نفسك بتدخلي لجنتك وتحلي وتظبطي وتخرجي وانتي بتحمدي ربك !

صدقيني لو عملتي كده هتتحسني ، ايوا مش في يوم وليله هتلاقي نفسك مش بتغشي وبتذاكري ليل ونهار وفاهمة كل حاجة
دا كله واحدة واحده هتلاقيه بيحصل بس تدريجي

طب اقولك على حاجة هتستغربيها ااااوووي
بس هتحسي بتفاؤل ان شاء الله
فيه واحدة دكتورة صيدلانية اعرفها .. كان عليا واجب انجليزي وبتحل معايا ، ففيه حاجة معينه كنت بحل عليها بتقولي : تصدقي انا ما كنتش بحبها ولا بعرف احلها .. وشوية وتقولي : انا بكره الرياضه اوي كنت دايما فاشلة فيها !
ودي دكتورة صيدلانية ! تعرفي انا حسيت بإيه ؟ اكيد استغربت بــس
مش شرط عشان تطلعي حاجة كويسة انك تكوني تحفه يعني في كل المواد بتاعتك
بس برضو مش بقولك ما تذاكريش ولا تركزي في مادة واحدة بس بالعكس .. شدي حليك وعلّى همتك وكله بثوابه وجزاءه ربنا مش بيضيع تعب حد

انا كدا كلامي خلص
أتمنى يكون الموضوع مفيد ليكم
وافكركم اوعوا تسمعوا كلام اللي يقولكم كدا !
كلام الناس طول عمره ما بيقدمش لكن بيأخر كتير اووووي

في آمــان الله [size=32][size=32]
[/size][/size]

ايه طبعا كلاام فااضي اللي بيقولوه